Gazetari i njohur Artan Hoxha shpjegon dinamikat e krimit të organizuar në Shqipëri, duke theksuar se figurat më të fuqishme mbeten ato që shmangin mediat.
Gazetari Artan Hoxha ka sqaruar deklaratën e tij, ku është shprehur se personi më i rrezikshëm në Shqipëri është ai që nuk i përmendet fare emri në media.. I ftuar në emisionin “Kjo Javë” në News24, Hoxha tha se deklarata e tij nuk kishte lidhje me ndonjë individ konkret, por me mënyrën se si funksionon krimi i organizuar në Shqipëri.. “Po më thoshin 2-3 veta se e kisha për filan person apo për një tjetër..
Unë atë e kam në kuadrin e një modeli se si funksionon krimi i organizuar në Shqipëri”, deklaroi gazetari.. Sipas tij, nga eksperienca shumëvjeçare në kronikën e zezë, figurat më të fuqishme të botës së krimit janë zakonisht ato që nuk ekspozohen publikisht.. “Unë mendoj nga eksperienca që kam se gjithmonë bosi më i fortë i krimit të organizuar është ai që nuk ka nisur t’i përmendet emri në media”, tha Hoxha.. Ai shtoi se
në momentin kur emrat e personazheve kriminalë fillojnë të qarkullojnë publikisht, ekspozimi bëhet problem edhe për rrjetin e tyre të mbështetjes.. “Gangsterët shqiptarë më parë kishin dëshirë të dilnin në media.. Më pas e kuptuan se ekspozimi ishte problem edhe për politikanët dhe policët që i mbrojnë”, u shpreh gazetari.. Në fund, Hoxha theksoi se deklarata e tij nuk duhet interpretuar si referencë për një emër të caktuar në botën e krimit.
Artan Hoxha, krimi i organizuar, media shqiptare, bosi i krimit, siguria publike, kronika e zezë