Тошкентда «Мингўрик»дан Чилонзор буюм бозоригача янги метро линияси қурилиши режалаштирилмоқда
Тошкент метрополитенини ривожлантириш бўйича янги стратегия тақдимот қилинди. Режага кўра, пойтахт метро тармоғи 2030 йилга қадар сезиларли даражада кенгайтирилиб, йўловчи оқими икки баробарга оширилади.
Шавкат Мирзиёев Тошкент метрополитенини ривожлантириш бўйича таклифлар тақдимоти билан танишди.. Бу ҳақда президент матбуот хизмати хабар берди.. 2030 йилга бориб метрополитеннинг кунлик йўловчилар оқимини 1,8 миллион кишига етказиш режалаштирилган (ҳозирда Тошкент метрополитени кунига ўртача 786 мингга яқин йўловчини ташийди).. Бунинг учун метрополитен тармоғини 79 та станция ва 103 километрга кенгайтириш кўзда тутилган.. Поездлар ҳаракати интервалларини босқичма-босқич 1,5−3 дақиқагача қисқартириш ҳам кўзда тутилган.. Тақдимотда янги йўналишларни қуриш масалалари муҳокама қилинди.. Хусусан, «Мингўрик − Чилонзор буюм бозори» йўналиши бўйича лойиҳа-смета ҳужжатларини ишлаб чиқиш режалаштирилган.. Биринчи босқичда «Мингўрик − Жанубий вокзал» йўналишини қуриш, иккинчи босқичда эса Чилонзор буюм бозоригача узайтириш имкониятлари ўрганилади.. Бундан ташқари, 2027−2030 йилларда янги ҳаракат таркибини харид қилиш ва электр депосини қуриш бўйича таклифлар тайёрланади.. Тошкент метрополитенини 2027−2035 йилларда ривожлантириш стратегиясини ишлаб чиқиш режалаштирилган.. У метрополитен тармоғини 2 баробар кенгайтириш, йўловчи ташиш ҳажмини 2,5 баробар ошириш, энергия тежамкор ва хавфсиз транспорт тизимини яратиш, шунингдек, хизмат кўрсатиш сифати ва йўловчилар учун қулайлик даражасини ошириш вазифаларини қамраб олади.. Шунингдек, йўл ҳақини тўлаш тизимини такомиллаштириш бўйича таклифлар тақдимот қилинди.. Халқаро тажрибани инобатга олган ҳолда, масофага қараб тўлов тизимини жорий этиш, аҳолининг айрим тоифалари учун имтиёзлар бериш, шунингдек, кунлик, ҳафталик ва ойлик абонементлар имкониятлари ўрганилади.. Шавкат Мирзиёев йирик шаҳарда жамоат транспорти, айниқса, метрополитен инфратузилманинг муҳим таркибий қисмларидан бири эканини таъкидлади.. У билдирилган таклифларни маъқуллаб, уларни амалга оширишни буюрди.
Тошкент метроси, метро қурилиши, жамоат транспорти, Мингўрик, Чилонзор, транспорт стратегияси, метрополитен