АҚШ президенти ташаббуси билан Россия ва Украина 9-11 май кунлари ўт очишни тўхтатиш ва асирларни алмашиш бўйича келишувга эришди.
АҚШ президенти Дональд Трамп унинг илтимосига биноан Россия ва Украина ўт очишни уч кунга тўхтатишга рози бўлганини эълон қилди.. Унинг қўшимча қилишича, ушбу вақт мобайнида томонлар ҳарбий асирларнинг янги алмашинувини ҳам амалга оширади.. «Россия ва Украина ўртасидаги урушда уч кунлик ўт очишни тўхтатиш (9, 10 ва 11 май кунлари) ҳақида хабар беришдан мамнунман… Ушбу сулҳ барча ҳарбий ҳаракатларни тўхтатиш ҳамда ҳар бир томондан 1000 нафардан ҳарбий асирни алмашишни ўз ичига олади.. Бу илтимосни шахсан мен юборган эди ва уни маъқуллаганлари учун президент Владимир Путин ҳамда президент Владимир Зеленскийдан жуда миннатдорман», — деб ёзди Оқ уй раҳбари Truth Social ижтимоий тармоғида.. Зеленский Трампнинг уч кунлик сулҳ ҳақидаги сўзларини тасдиқлади ва Киев Россиядан ҳарбий асирларни «1000 га 1000» форматида алмашиш бўйича розилик олганини маълум қилди.. «Шунингдек, 9, 10 ва 11 май кунлари сукут режими ўрнатилиши керак», — деб ёзди у.. Зеленскийнинг қайд этишича, сўнгги кунларда Москвада 9 май куни Қизил майдонда бўлиб ўтадиган ҳарбий парадга «тайёргарлик кўрилаётгани бўйича кўплаб мурожаат ва сигналлар» бўлган.. «Бизнинг ҳаракатларимиздаги „кўзгу“ тамойили Россия томонига яхши маълум ва исботлаб берилган.. Украина учун ўз позициясини белгилашда ушбу урушнинг асосий гуманитар масалаларидан бирини ҳал қилиш, яъни ҳарбий асирларни озод этиш ҳар доим қўшимча аргумент бўлиб хизмат қилади.. Биз учун Қизил майдон уйига қайтарилиши мумкин бўлган украиналик асирлар ҳаётидан камроқ аҳамиятга эга», — деб ёзди Украина етакчиси.. У Трампга миннатдорлик билдирди ва АҚШ «Россия томонидан келишувлар ижросини таъминлашига» умид билдирди.. Зеленский, шунингдек, Россияга 9 май куни Москвада парад ўтказишга рухсат берувчи кинояли фармонни имзолади.. «Кўплаб илтимосларни инобатга олиб ҳамда 2026 йил 8 май куни АҚШ томони билан ўтказилган музокараларда мен томонимдан баён этилган инсонпарварлик мақсадида қарор қиламан: 1.. 2026 йил 9 май куни Москва шаҳрида (Россия Федерацияси) парад ўтказилишига рухсат берилсин», — дейилади АҚШ президентининг уч кунлик сулҳ ҳақидаги баёноти билан бир вақтда эълон қилинган фармонда.. Ҳужжатда қайд этилишича, 9 май куни Киев вақти билан соат 10:00 дан бошлаб «Қизил майдон квадрати» «Украина қуролларини қўллаш режаларидан чиқарилади».. Россия президенти ёрдамчиси Юрий Ушаков Россия АҚШ президентининг 9 майдан 11 майгача ўт очишни тўхтатиш ташаббусига рози бўлганини тасдиқлади.. «Энг муҳими, сулҳ даврида ҳар бир томондан минг кишидан асир алмашишга келишиб олинди», — деди у.