مشرقِ وسطیٰ میں جاری کشیدگی کے نتیجے میں عالمی سپلائی چین متاثر ہونے سے برطانیہ میں اہم جان بچانے والی ادویات کی شدید قلت پیدا ہو گئی ہے۔
مشرقِ وسطیٰ میں جاری کشیدگی کے اثرات اب برطانیہ کی سرحدوں تک پہنچ چکے ہیں، جہاں ملک بھر کی فارمیسیز میں اہم ادویات کی شدید قلت نے مریضوں کو تشویش میں مبتلا کر دیا ہے۔
اس بحران کے نتیجے میں خاص طور پر بلڈ پریشر، مرگی اور کینسر کے علاج کے لیے استعمال ہونے والی ادویات کی دستیابی بری طرح متاثر ہوئی ہے۔
مذکورہ صورتحال میں مریضوں کے لیے فالج، ہارٹ اٹیک اور دورے پڑنے جیسے طبی خدشات بڑھ گئے ہیں، جبکہ ادویات کے حصول میں مسلسل ناکامی کے باعث عام شہریوں میں ذہنی دباؤ اور بے چینی بھی دیکھی جا رہی ہے۔
اس بحران کی بنیادی وجہ عالمی سپلائی چین کا بری طرح متاثر ہونا ہے، جس کی وجہ سے بحری اور فضائی نقل و حمل کے اخراجات میں ہوشربا اضافہ ہوا ہے۔
یہ صورتحال اس بات کی نشاندہی کرتی ہے کہ جغرافیائی سیاسی کشیدگی کس طرح مقامی صحت کے نظام کو براہِ راست متاثر کر کے عام شہریوں کی زندگیوں کے لیے خطرہ بن سکتی ہے۔
دریں اثنا، این ایچ ایس کے مقرر کردہ نرخوں کی وجہ سے فارمیسیوں کو ادویات کی خریداری میں مشکلات کا سامنا ہے، کیونکہ مارکیٹ میں قیمتیں ان کی قوتِ خرید سے باہر ہو چکی ہیں۔
اگر سپلائی چین کے اس مسئلے پر قابو نہ پایا گیا تو آنے والے دنوں میں برطانیہ میں ادویات کا بحران مزید سنگین شکل اختیار کر سکتا ہے۔
برطانیہ میں صحت کے شعبے سے وابستہ ماہرین کا کہنا ہے کہ ادویات کی محدود دستیابی سے مریضوں کا تسلسل سے علاج کروانا ناممکن ہوتا جا رہا ہے۔
اس بحران کا تسلسل نہ صرف بیماریوں کے پھیلاؤ کا باعث بن سکتا ہے بلکہ صحت عامہ کی خدمات پر اضافی بوجھ بھی ڈالے گا، جس کے لیے ہنگامی اقدامات وقت کی ضرورت ہیں۔