Дар шаҳри Душанбе даври дуюми фестивали «Малакаҳои касбӣ» бо иштироки хонандагони муассисаҳои таълимии касбӣ баргузор гардид, ки дар он ҷавонон малакаҳои техникии худро санҷиданд.
ДУШАНБЕ, 09.05.2026 /АМИТ «Ховар»/.. 7–8 май дар шаҳри Душанбе байни хонандагони муассисаҳои таҳсилоти ибтидоии касбӣ аз рӯи 10 ихтисос даври дуюми Фестивали ҷумҳуриявии «Малакаҳои касбӣ» баргузор гардид.. Дар ин хусус ба АМИТ «Ховар» аз Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар доданд.. Иштирокчиёни фестивал аз рӯи ихтисосҳои «Барқчӣ оид ба таъмири қисмҳои барқии автомобил», «Челонгар оид ба таъмири муҳаррики автомобил», «Кафшергари барқию газӣ», «Ҳисобдор бо донистани компютер», «Системаи компютерӣ ва интернет-технология», «Дуредгар», «Дӯзанда», «Монтёри барқ оид ба таъмир ва хизматрасонии таҷҳизоти барқӣ», «Тракторчӣ-мошинисти истеҳсолоти кишоварзӣ», «Челонгар оид ба тайёр намудани ҷузъҳо ва қисмҳои техникӣ-санитарӣ» донишу маҳорати худро нишон доданд.. Инчунин донишҳои назариявӣ ва малакаҳои амалии худро дар назди ҳайати доварон ба намоиш гузоштанд.. Бояд гуфт, ки солҳои охир таваҷҷуҳи ҷавонон ба касбҳои техникӣ ва сохтмонӣ бештар гардида, ин омил метавонад дар оянда ба рушди бозори меҳнат ва таъмини соҳаҳои истеҳсолӣ бо кадрҳои соҳибкасб мусоидат намояд.. Дар ин замина фестивал бо мақсади баланд бардоштани сатҳи омодагии касбии хонандагон, рушди маҳорати амалӣ, дарёфти истеъдодҳои ҷавон ва таҳкими рақобатпазирии мутахассисони оянда ба роҳ монда шудааст.. Дар он беҳтарин хонандагони муассисаҳои таҳсилоти ибтидоии касбии шаҳру ноҳияҳои ҷумҳурӣ иштирок намуданд.. Баргузории чунин фестивалҳо дар самти баланд бардоштани нуфузи таҳсилоти ибтидоии касбӣ ва омода намудани мутахассисони ҷавобгӯ ба талаботи бозори меҳнат муҳим мебошад.. Рушди соҳаи таҳсилоти касбӣ яке аз самтҳои афзалиятноки сиёсати иҷтимоии давлат ба ҳисоб рафта, барои фароҳам овардани шароити мусоид ба ҷавонон тадбирҳои зарурӣ амалӣ мегарданд.. Иштирокчиёни фестивал иброз доштанд, ки чунин озмунҳо барои сайқал додани дониш ва таҷрибаи амалӣ, пайдо намудани дӯстони ҳамкасб ва баланд бардоштани ҳисси масъулияту эҷодкорӣ мусоидат менамоянд.. Дар анҷоми даври дуюми фестивал ба ғолибону иштирокчиёни фаъол Сипоснома ва туҳфаҳои хотиравӣ тақдим гардида, беҳтаринҳо ба марҳилаҳои минбаъдаи озмун роҳхат гирифтанд.. АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Малакаҳои касбӣ, Душанбе, таҳсилоти касбӣ, ҷавонон, кадрҳо, бозори меҳнат, фестивали ҷумҳуриявӣ