زوج ابنة عمر سليمان يكشف تفاصيل آخر اتصال قبل وفاته بساعات.. وساويرس يعلق

علق رجل الأعمال نجيب ساويرس، ذكرى وفاة اللواء عمر سليمان نائب رئيس الجمهورية الأسبق ورئيس جهاز المخابرات العامة.

وتوفي اللواء عمر محمود سليمان الفحام عن عمر ناهز 76 عاما، في اليوم التاسع عشر من يوليو 2012.

وقال ساويرس عبر حسابه بمنصة «إكس»، تعليقًا على تغريدة عبدالحميد أحمد حمدى، زوج ابنة عمر سليمان: «رجل ولا كل الرجال صعيدى أصيل ظل وفيا للرئيس حسني مبارك لأخر لحظة في عمره… شرفت بمعرفته ومحبته».

وقال زوج ابنة عمر سليمان، عبر حسابه بمنصة «إكس»: «النهارده ذكرى وفاة الغالي عمر سليمان نائب رئيس الجمهورية ورئيس المخابرات العامة المصرية لأكثر من 20 سنة».

وأضاف: «آخر مكالمة بيني وبينه كانت قبل وفاته بيوم واحد، كنت ممنوع من السفر من 2011 بدون قضية أو اتهام، وده حرمني من إني أكون جنبه في رحلة علاجه لأمريكا وفي أيامه الأخيرة. وجع كبير محفور جوايا، عمره ما هيروح، ولا هقدر أسامح اللي تسببوا في كده ظلما- واللي كانوا بينادوا بالحريات وقتها لكن لما الظلم طال ناس غير أصدقائهم، سكتوا».

وتابع: رئيس مجلس الإدارة والرئيس التنفيذي لشركة غاز شرق المتوسط: «اتصلت أطمن عليه وهو في المستشفى، ورغم مرضه هو اللي طمني وقواني بكلامه كالعادة، وأكد لي إن اللي جاب الإخوان هو اللي هيشيلهم، وده اللي حصل وأكد انهم مش هيقعدوا إلى يوليو القادم لأن تصرفاتهم هي اللي هتجيبهم الأرض».

وأكمل نجل الشهيد اللواء أحمد حمدي: «عشت معاه 20 سنة في نفس البيت، وكان بيعتبرني ابنه. اتعلمت منه إزاي تكون قوي ومتواضع، تسمع الناس بقلبك، وتحل مشاكلهم حتى لو مش شغلتك، إزاي تكسب احترام العدو قبل الصديق، وأنت بنفس الوقت طيب القلب، وجد حنين. الله يرحمك يا عمر سليمان كنت مثال للإنسان الوطني اللي بيحب بلده بصدق».