وفاء عامر بعد اتهامها بتجارة الأعضاء: أنا ست قوية وعنيدة ومبنامش غير لما آخد حقي

الأحد، 27 يوليو 2025 08:37 م

7/27/2025 8:37:17 PM

علقت الفنانة وفاء عامر على الاتهامات التي تعرضت لها في الفترة الأخيرة واتهامها بالتجارة بأعضاء لاعب كرة القدم الراحل إبراهيم شيكا.

وقالت وفاء عامر في برنامج الستات: الست دي اختارت أكبر نجمة على تيك توك، وأنا فعلًا من الأكثر متابعة على المنصة، ومع ذلك مش بظهر كتير، إلا لو فيه حالة إنسانية حقيقية محتاجة دعم زي حالة الطفل على محمد دوشين، اللي علاجه مش متوفر في مصر وتكلفته 150 مليون جنيه، فبنطرق كل الأبواب وده تحت رعاية وزارة التضامن، يعني مش لمصلحتي الشخصية.

وأضافت: اللي بيحصل هو ضرب في القوى الناعمة لمصر. عندنا نقابات قوية ونقيب فنانين ما بيسكتش على الظلم، محدش هيقدر يسكتنا غير بالموت.

وتابعت: لماذا كل هذا الصمت من إيمان الطوخي؟! ما تطلع تتكلم وتقول مش بنتي، حتى لو هي معتزلة أو محجبة، أنا ست قوية وعنيدة، ومبنامش غير لما آخد حقي، ولو اللي قدامي ضعيف بسامحه، لكن الحالة دي وراها ناس، وأنا هجيب كل اللي وراها. بلدنا قوية، ونائب عامنا قوي، وأنا بتحدى أي حد يثبت أن الست دي بنت الرئيس الأسبق حسني مبارك، إحنا ما عندناش الكلام ده.

وأختتمت وفاء عامر قائلة: أنا ست مصرية حرة، زوجة راجل محترم وبنت راجل جدع، وعيلتي فيها رجالة، وما طلبتش من حد يدافع عني عشان لما يتقال حاجة يتقال إني دافعت عن نفسي بإيدي.