طارق الشناوي: لو طبقنا معيار النقابة ماكنتش سعاد حسني ولا منة شلبي اشتغلوا
السبت، 02 أغسطس 2025 09:47 ص
8/2/2025 9:47:38 AM
انتقد الناقد الفني طارق الشناوي قرار نقيب المهن التمثيلية الدكتور أشرف زكي بمنع البلوجرز من دخول مجال التمثيل، معتبرًا أن هذا القرار يتعارض مع منطق الفن وروحه، ويخالف مبدأ تكافؤ الفرص والعدالة الإبداعية.
وقال طارق الشناوي خلال لقائه في برنامج مساء الياسمين مع الإعلامية ياسمين الخطيب، على قناة الشمس: “شايف إن القرار ضد المنطق والعدالة.. منة شلبي وهي عندها 17 سنة ماكنتش بتعرف تمثل، لكن المخرج الكبير رضوان الكاشف علمها التمثيل في فيلم الساحر، ودلوقتي بقت ممثلة قدرية وعندها رصيد كبير.. لو طبقنا نفس المعيار ده، منة ماكنتش اشتغلت ولا حتى سعاد حسني”.
وأضاف: المعيار الوحيد المفروض يكون هو الموهبة.. الجمهور هو اللي بيحكم، وهو اللي يقرر ينجح أو يفشل أي فنان.. اديله فرصة، لو فشل، الجمهور هيرفضه بنفسه.
وأشار الشناوي إلى أن كثيرًا من نجوم الكوميديا لم يتخرجوا في معاهد فنية، قائلًا: معظم نجوم الكوميديا زى عادل إمام وسمير غانم خرجين كلية زراعة.. مش ضروري تبقى خريج معهد فنون علشان تبقى ممثل.