نيقولا معوض يتراجع بعد الهجوم على فضل شاكر: «هدفي ليس الترند لكن غيرتي على وطني وجيشه»

أصدر الفنان اللبناني نيقولا معوض بيانًا يوضح فيه تصريحاته التي فُسرت على أنها هجوم مباشر على الفنان فضل شاكر، مؤكدًا أن ما قاله نابع من حبه وغيرته على وطنه وجيش وطنه.

وكتب نيقولا معوض عبر خاصية القصص القصيرة على إنستجرام: «وسط وابل من الشتائم والسب واشيا أبشع من إني إذكرها هون بتوصلني رسالة من صحافية كتير بحترمها وبحترم موضوعيتها، ومنحكي… وبتقلي انو هي كانت عالأرض وبتفسرلي انو يلي نحنا منعرفو مش هوي يلي صار».

أشار: «هالشي بيخلي غيرتي عا وطني وعا جيش وطني يلي في شهداء منو كثير من عيلتي وأصحابي وبعدني بشوف الأثر يلي غيابهم تاركو على عيان لهلق تعترف انو للأسف نحنا ببلد لازم نفلتر المعلومة فيه ألف مرة قبل ما نصدقها».

تابع: «يلي بيعرفني منيح بيعرف أنا مين وبيعرف قديه ما بيهمني إرضاء الناس قدام إرضاء ربي وضميري. وبيعرف انو ولا مرة كان هدفي أو همي ترند، بالعكس بصراحة، كل عمري مركز عا شغلي وهربان من الترند ومن الضجة لأن شخصيتي هيك».

واصل: «ما بدي إدعي إنّي بعرف شو صار عالمزبوط، وما بعرف مين بيعرف شو صار عالمزبوط، بس يلي بعرفو هو انو لو في 1 % يكون اللي كان واصلني غلط، بعتذر لأنو لا ربي ولا ضميري رح يرضين اللي قلتو».

اختتم: «الرب هو فاحص القلوب والنوايا»… الله يعطي كل إنسان على حسب نيتو وقلبو».