أحمد الباز يتكفل بتوفير عناية مركزة لجراحة المخ والأعصاب ومستلزمات غرفة عمليات بمستشفى كفر الزيات – موقع مصر اليوم الإخباري

تكفل أحمد الباز رجل الأعمال، بتوفير عناية مركزة لجراحة المخ والأعصاب ومستلزمات غرفة عمليات بمستشفى كفر الزيات.

وكتب الباز عبر صفحته الرسمية بموقع التواصل الاجتماعي “فيس بوك” حيث قال: “كام مرة شوفت فيها حالات بتتعرض لـ جلطات أو نزيف أو حتى حوادث في الرأس”ربنا يحفظكم ” ؟”.

وتابع: “مؤخراً تقريباً محدش فينا مدخلش قسم المخ و الاعصاب لنفسه أو لحد عزيز عليه، أيوه هي دي أمراض العصر اللي احنا عايشينه و وجود قسم قريب مننا يلحق الحالات قبل ما تتدهور هو بمثابة اعطاء فرصه أخرى للحياة”.

وأضاف: “قال تعالى “وَمَنْ أَحْيَاهَا فَكَأَنَّمَآ أَحْيَا ٱلنَّاسَ جَمِيعًۭا”، عشان كده اخترت تكون خطوتي الجاية في مستشفى كفر الزيات هي توفير أدوات ومستلزمات جراحية لاستحداث قسم جراحة المخ والأعصاب بغرفة العمليات بمستشفي كفر الزيات العام في بلدنا”.

واوضح: “ان شاء الله هيتم انشاء قسم كامل شامل عناية على الاقل 5 او 6 سراير مجهز بأحدث الاجهزة و الاستشاريين اللي يقدروا فعلا ينقذوا حياة أهالينا في كفر الزيات و ما حولها”.

واستطرد: “تم التواصل مع مديرية الشؤون الصحية بالغربية للتعاقد مع الاستشاريين علي مدار 24 ساعة يوميا و هنبدأ بالانشاءات لتجهيز العناية المركزة لقسم جراحة المخ والاعصاب قريباً جداً وهيكون جاهز في استقبالكم و التفاصيل هنعلنها قريباً زي ما عودناكم على طول”.

واختتم: “إحنا مؤمنين إن صحة أهلنا أهم حاجة في الدنيا، واخدين عهد على نفسنا نطوّر الرعاية الصحية ونخليها في أحسن صورة، بنشتغل ليل نهار علشان نطوّر المستشفيات ونجهّز مستشفى كفر الزيات العام بأحدث الأجهزة، دي مسؤوليتنا قدام ربنا وأهلنا، ودي رسالتنا، والاهم .. متنسوناش دايما في دعائكم”.