«انت مالك».. شوبير يرد على تصريحات خالد الغندور بشأن وسام أبوعلي

رد الإعلامي الشهير أحمد شوبير، مساء اليوم الأحد، تصريحات خالد الغندور، لاعب الزمالك السابق، بسبب تصريحات الأخير بشأن النجم الفلسطيني وسام أبوعلي مهاجم الفريق الأول لكرة القدم بالقلعة الحمراء.

قال أحمد شوبير، عبر برنامج «حارس الأهلي»، المُذاع على «قناة الأهلي»: «واحد طالع يقول عرفونا وسام أبوعلي اتباع بكام، انت مالك؟ انت مال سعادتك؟».

وأضاف: «النادي الأهلي أدرى بحاله، وعارف هو بيعمل إيه، وده اللي مخليه ناجح وواخد أربعة أفريقيا من اخر ستة بطولات».

وتابع: «وده اللي مخليه ناجح في كل الألعاب ومش بيشبع من البطولات، عكس واحد لما فريقه خد بطولتين قال كفاية مش كل يوم بطولة».

كما اختتم: «لكن الأهلي معندوش الكلام ده ومبيشبعش من البطولات عشان كده هيفضل ناجح».

بينما سبق وأن كتب خالد الغندور عبر حسابه الشخصي على «فيسبوك»: «يجب علي النادي الأهلي الإعلان الرسمي عن ثمن بيع وسام أبوعلي واللي هيتم وضعه في الميزانية».

وأوضح: «وعن المبلغ اللي هيحصل عليه ناديه السابق من الصفقة، بعيدًا عن الكلام المرسل علي مواقع التواصل الاجتماعي، وكل واحد بيضرب الرقم اللي يعجبه».