«اعتبره ابنك».. خالد الغندور يوجه رسالة لـ مدرب بتروجيت بعد مشاجرة حامد حمدان
وجه خالد الغندور نجم نادي الزمالك السابق، رسالة لـ سيد عيد المدير الفني لفريق بتروجيت، بعد أنباء مشاجرته مع لاعب الفريق حامد حمدان وانتهت بمطالبة المدرب من اللاعب مغادرة المران.
فيما قال مصدر مقرب من حمدان لـ «المصري اليوم»: «حمدان يشعر بحالة كبيرة من الحزن بسبب موقف النادي بعدم منحه فرصة اللعب للزمالك»، مضيفًا «اللاعب حتى الآن لم يغلق الباب ويواصل الضغط وقد يتجه لخطوات أعلى».
وقال خالد الغندور في فيديو بثه عبر حسابه الرسمي على موقع التواصل الاجتماعي «فيس بوك»: «حامد حمدان راح التمرين واتخانق مع الكابتن سيد عيد، والأخير طرد اللاعب من المران».
وأضاف: «عايز أوجه رسالة لـ سيد عيد مينفعش تطلع تقول إن توفيق محمد الأهلي كان عايزه ورفضنا لكن مفيش حاجة حصلت، على عكس صفقة حامد حمدان للزمالك».
وتابع: «إنت بتلوم الصفحات والجماهير، لإن الجماهير تقول اللي هي عايزاه ومتسلمش نفسك للجماهير، ومعلومة مؤكدة الأهلي مطلبش توفيق محمد ده كان بيجس نبض مش أكتر، والأهلي في الأخير فضل إنه ياخد محمد شكري».
وأوضح: «ليه وافقت على بيع أحمد رضا لـ الأهلي في نص موسم، وليه رفضت بيع حامد حمدان واللاعب فلسطيني وأهله كلهم عايزين يفرحوا بيه».
وأردف: «يا كابتن سيد لو إنت عندك أبن وجاله أهلي أو زمالك هل هتسيبه في بتروجيت ولا هتقاتل عشان توديه وتحقق حلمه، خاصة إن الاستراتيجية بتاعت بتروجيت مش بتاعت بطولات بالتأكيد، والدليل إنك بعت أحمد رضا في نص الموسم».