بدأ بـ500 دولار وبيبيع بـ100 مليون جنيه.. صاحب شركة cardoO يعرض مشروعه بـ”شارك تانك”

قدم أحمد عادل صاحب شركة cardoO المصرية، خلال برنامج “شارك تانك” Shark Tank، المذاع على قناة cbc، فكرة مشروعه حيث طلب من الشاركس 50 مليون جنيه مصري مقابل 15% من حصة الشركة.

وكشف أحمد عادل صاحب شركة cardoO المصرية، عن أنه بدأ مشروعه بـ500 دولار من خلال فكرة جريئة مرتبطة بالذكاء الاصطناعي واليوم حققوا مبيعات بـ100 مليون جنيه، قائلا: “احنا لسه بنبتدي أنا بطلب 50 مليون جنيه مصري مقابل 15% من الأسهم في ماركة بتبنى مستقبل الحياة في مصر”.

ووجه اسئلة للشاركس وهو يعرض مشروعه: “خلوني اسأل لكم على حاجة ليه 68% من الاسر المتوسطة ما بتقدرش تشتري الاجهزة الذكية لان ثمنها غالي سواء من الاجهزة اللي بتتلبس للصحة للتعليم ومن أجهزة البيت للتعليم؟ ليه لازم نستعمل اكثر من 10 تطبيقات وخمس اجهزة من ماركات مختلفة عشان نقدر نتواصل؟ وفي نفس الوقت المستهلكين بيحاولوا يربطوا بينهم؟

وتابع: “احنا بنبني اول ماركة ضخمة وبنخلق أول نظام بيئي متكامل بالذكاء الاصطناعي ويحول الحاجات اللي بنستعمله يوميا لأجهزة ذكية ومتصلة سواء اجهزة بتتلبس أو لها علاقة بالبيت أو التعليم او الترفيه حتى وسائل النقل الشخصي والاجهزة المنزلية وبذلك نعطي الاسر المتوسطة القدرة على انها تتابع صحتها وتدير بيتها”.

واستكمل: “بعنا أكثر من 100 ألف جهاز متصل وبنخدم 70 ألف عميل والسنة اللى فاتت لوحدها بعنا بأكثر من 50 مليون جنيه مصري بإجمالي هامش ربح 60%، و70% من مبيعاتنا للمستهلك مباشرة وحطينا الاسس في مصر ودلوقتي بنتوسع في الشرق الاوسط وافريقيا وامريكا اللاتينية”.