والدة الشيف محمود ضحية مركب مرسى علم بعد أداء صلاة الغائب: قلبنا واجعنا ونفسنا نلاقي جثمانه

أدى العشرات من أهالي الأقصر صلاة الغائب على الشيف محمود، ضحية حادث مركب مرسى علم جنوب البحر الأحمر.

وسيطرت حالة كبيرة من الحزن على والدة الشيف محمود بعد فقدانهم جثمان نجلها، حيث قالت: أنا عايزة ولدي، عايزة جثمانه علشان أدفنه في قبره وأزوره.

وأضافت والدة الشيف محمود أن نجلها كان رافضا الذهاب بسبب العواصف والحالة السيئة للبحر، لكنه ذهب مع زملائه، مضيفة أنها عندما علمت بغرق لانش من صفحات التواصل الاجتماعي شعرت أن نجلها توفي.

والدة الشيف محمود ضحية مركب مرسى علم بعد أداء صلاة الغائب: قلبنا واجعنا ونفسنا نلاقي جثمانه

واستكملت والدة الشيف محمود أنه أصغر أخواته، وأنه متزوج ولديه 3 أبناء ما زالوا صغارا، مضيفة: عايزة أدفنه في قبر وأزوره أنا وولاده.

وتابعت زوجة الشيف محمود: صاحبه قالنا إن زوجي لما شاف العواصف والحالة السيئة للبحر طلب من قبطان اللانش إنه يرجع، وقاله عندي عيالي عايز أربيهم وهديك حق البنزين لكن القبطان مرضيش يرجع بهم وكمل.. أنا عايزة أشوف زوجي تاني وأستلم جثته لو توفي.

واستكملت زوجة الشيف محمود أنه كان حسن السمعة والجميع يشهد له بالأخلاق الطيبة، قائلة: كان إنسان تقي ورحيم وعمره ما خلّانا محتاجين لحد.