لو زعلان البحر مليان” و”إحنا مش فى محل عطارة”.. قصة خلاف محمد رمضان وكزبرة | فن وثقافة

نشب خلاف جديد بين الفنان محمد رمضانوالفنان كزبرة سيطر على مواقع التواصل الاجتماعى، مما تساءل الكثير عن سبب اشتعال الخلاف من جديد، بعد أن هدأ منذ أكثر من عام، حيث قام وقتها “كزبرة” بحذف أغنية للفنان محمد رمضان بعنوان “خمسة” بسبب حقوق الملكية.

وعاد الخلاف من جديد بعد أن احتفل “كزبرة” بعرض خاص فيلم “الحريفة 2” بعد سؤاله عن هل هناك خلاف مع محمد رمضان ليرد قائلاً: “حبيبى لو زعلان البحر هناك مليان”.

ولم ينته الأمر عند ذلك، ولكن قام أحد الأشخاص بسؤال محمد رمضان أثناء حضوره بمقر سينما راديو في وسط البلد، عن كزبرة، ولكن رمضان استوقف حديثه ورد بشكل ساخر أيضا قائلاً: “إحنا هنا في مكتبة مش في محل عطارة” في إشارة منه لاسم “كزبرة”.

وقرر “كزبرة” أن يرد على سخرية محمد رمضان من اسمه، حيث كتب عبر “استوري” صفحته الرسمية على “فيس بوك” قائلاً: “والله يا جماعة الكلام ده نفسي أقوله من بدري بس حاسس إن وقته، أنا مش عارف ليه كل ما أنجح في ناس بتحاول تطلع صورتي وحشة، أنا بجد نفسيًا مبقتش قادر وبقالي فترة كبيرة كل لما أعمل حاجة حلوة مبقتش عارف اتبسط بيها ونفسيًا مش أحسن حاجة، وربنا اللي عالم الواحد كل اللي يهمه أنه يقدم حاجة تعجبكم وتسعدكم، بس في ناس بتتعامل مع اللي بيقدم حاجة كوميدية على أساس أنه شخص تافه مش موهوب، والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا في عيب قدام جمهوره وإخواته اللي بيحبوه”.

وأضاف كزبرة: “زي ما بيتنسب ليا كلام مقلتهوش أو يتقلل مني بحاجات قديمة عملتها وأحيانًا بتوصل للتريقة على اسمي بمجرد ما يعمل حاجة حلوة وتعجبهم، أنا مش عارف ليه وده السبب اللي بيخلي إنسان طيب أول لما ينجح يتحول لإنسان عنده نقص وعنده حرب مع كل اللي حوليه، زي ناس كتير نجحت وبقوا بيتعاملوا بنرجسية عشان يعرفوا يتعاملوا مع الواقع”.

وتابع: “أنا يا جماعة مش عايز أوصل للمرحلة دي، أنا عايز أبقى إنسان طيب وفي حالي وأشتغل على نفسي وأقدم لكم فن يعجبكم ويبسطكم، هو ده هدفي فبلاش تتعاملوا مع الواحد بأسلوب هو مش حابه، وشكرًا لكل واحد بيدعمني من قلبه وأي حد بيحب اللي بقدمه أو حتى بينقده بأسلوب كويس، أنتم اللي تهموني وشكرًا”.

واختتم حديثه: “في الآخر في قصص نجاح ملهمة كتير تستاهل الناس تتكلم عنها ممكن تفيد الناس أكتر من قصة أحمد بحر كزبرة، وإزاي وصل لهنا، وهكون أسعد كتير لو كان التركيز على شغلي مش على شخصي، سواء بالإيجاب أو بالسلب علشان أتعلم وأطور نفسي في اللي جاي”.