لابس تيشرت ماسوني.. اعترافات مثيرة للمتهم بقتل شاب في مدينة نصر | مصر اليوم

شهدت منطقة عزبة الهجانة التابعة لدائرة قسم شرطة مدينة نصر بالقاهرة جريمة “مأسوية وغريبة” في الوقت ذاته، المتهم فيها “فرارجي” بقتل شاب والشروع في قتل آخر، بسبب طلاسم وتعويذات.

لابس تيشرت ماسوني.. اعترافات مثيرة للمتهم بقتل شاب في مدينة نصر

ننشر نص التحقيقات في القضية رقم 16829 لسنة 2023 جنايات ثالث منصر النصر المقيدة برقم 1798 لسنة 2023 كلي القاهرة الجديدة.

س: ما قولك فيما نسب إليك من اتهامك بالشروع في قتل المجني عليه أحمد ممدوح باستخدام سلاحك الأبيض؟

ج: أنا كنت عايز اقتله عشان هو من رجالة الراجل الكبير.

س: ما قولك فيما هو منسوب إليك من أنك متهم بحيازتك سلاح أبيض “سكين” دون مسوغ من الضرورة المهنية؟

ج: أنا كنت عايز اقتل الدجال بيها.

س: ما ظروف ضبطك وعرضك علينا؟

ج: كنت محجوز في قسم مدينة نصر على ذمة قضية سلاح أبيض وبعدها جرى عرضي على النيابة.

أخلوا سبيلي وبعدين طلعت من القسم وروحت على البيت وصحيت الساعة 11 الصبح، ونزلت من البيت وكنت معدي من أمام محل الفراخ، لقيت زبون لابس تيشيرت عليه طلاسم وتعاويذ، وفجأة اختفى فجبت سكينة من محل الفراخ ود عليه.

“فجأة لقيته قاعد على بوابة موقع فحسيت بجاذبية إني عايز اقتله، فروحت عليه وأول ما روحتله لقيت واحد جالي بيتكلم معايا بطريقة مش كويسة، روحت غزيته بالسكينة من غير ما افكر، راح جري هو واحد كمان كان معاه، واتبقى الراجل الكبير، لقيته بيبرقلي بعينه فغزيته في قلبه ووقع على الأرض، وطعنته كذا مرة في رقبته ووشه وبطنه، وبعدها حطيت عليه تراب وبلاستيك وجرادل عشان ادفنه، وبعد كده لقيت ناس بتتجمع عليا فحدفت عليهم طوب وكله كان بيجري مني، لحد ما اتجمعوا عليا سواقين تكاتك وضربوني ومسكوني والشرطة جت وخدوني على القسم”.

س: متى وأين حدث ذلك؟

ج: الكلام ده حصل في الموقع.

س: من كان برفقتك آنذاك؟

ج: كنت لوحدي.

س: ما سبب ومناسبة تواجدك بالزمان والمكان سالفي الذكر؟

ج: أنا روحت هناك بالصدفة.

س: ما علاقتك بكلا من أحمد ممدوح عبد الله ومبروك بدوي سيد، وهل من ثمة خلافات سابقة فيما بينك وبينهم؟

ج: معرفش حد بالأسماء دي.

س: ما وجهتك عقب نزولك من محل سكنك؟

ج: كنت ماشي عند المحل بتاعي، ولما شوفت الزبون اللي لابس تيشيرت ماسوني عند محلي قررت إني امسكه عشان اختفى فجأة فجبت سكينة ودورت عليه.