زوجة بائع ألبان ضحية جيرانه بالدقهلية: خلصوا عليه بـ 21 طعنة قدام ابنه

تعقد محكمة جنايات المنصورة في محافظة الدقهلية، اليوم الاثنين، جلسة النطق بالحكم على المتهمين بإنهاء حياة شاب يدعى غانم، بائع ألبان في قرية منية سندوب التابعة إلى مركز المنصورة بالدقهلية؛ وذلك بسبب لعب الأطفال.

محاكمة المتهمين بإنهاء حياة بائع ألبان بالدقهلية

وقالت زوجة المجني عليه إنه كان يوجد خلافات بسيطة بين زوجها وجيرانه، لافتة إلى أنه كان يسعى دائمًا إلى التصالح معهم إلا أنهم كانوا يرفضون ذلك في كل مرة يحاول بها.

وأضافت: كان فيه خلافات بسيطة بين جوزي والمتهمين وعلى طول كان بيمشي في الصلح معاهم.. وأهل البلد كلها يشهدوا عليه لأن فيه ناس كتير أوي اتوسطوا بينهم ولكن هما كانوا مصممين على موقفهم.

وأضافت زوجة المجني عليه أن زوجها لم يكن يفتعل خلافات مع أي شخص والجميع يشهد له بحسن أخلاقه وطيبة قلبه، قائلة: جوزي كان شقيان على أكل عيشه بالحلال وبيشتغل في 3 أشغال مع بعض إزاي هيبقى واحد بتاع مشاكل.

وأوضحت أن المتهمين في يوم الواقعة ترصدوا لزوجها وتعدوا عليه مستخدمين أسلحة بيضاء، حيث أصابوه بـ 21 طعنة أودت بحياته على الفور.

وواصلت زوجة المجني عليه: المتهمين اتلموا على جوزي وبهدلوه وضربوه 21 طعنة مميتة في جسمه عشان يخلصوا عليه على طول.. ويومها لقيت ابني داخل عليا الشقة بيقولي الحقي يا ماما بيقطعوا في أبويا وبيموتوه.. خلصوا على جوزي قدام ابنه ومن ساعتها الواد مش عارف يعيش ولا ينام.