رميت الشاشة بعد سنة في الزبالة

الإثنين 18/نوفمبر/2024 – 01:34 ص

استغاث شاب يدعى رائف الطيار عبر حسابه بمنصة تيك توك من سوء خدمة الصيانة في شركة LG، وذلك بعد رفض الشركة إصلاح شاشة تلفاز خاصة به لعدم توافر قطع الغيار، وانتهاء فترة الضمان المخصصة لها.

شاب يستغيث من شاشة شركة LG

نشر شاب فيديو عبر منصة تيك توك للفيديوهات يستغيث فيه من سوء خدمة الصيانة لشركة LG، قائلًا: أنا هنا في مقر شركة LG والشركة بتقولوكو، محدش يصلح عندها شاشات والشاشة بتاعتي موجودة، ومش هتتصلح بسبب أن الشركة بتقول أن بعد الضمان ما يخلص بسنة أو سنتين مفيش قطع غيار،  بمعنى أصح أن الشاشات بتاعتهم بتبوظ بعد سنتين فالشركة بتقولكم أرموها في الزبالة.

وتابع: الشاشة دي تمنها مايقلش عن 20000 جنية وملهاش أي تلاتين لازمة وهسيبهالهم وأمشي عشان منتجاتهم زبالة، شركة معندهاش أي منتج له صيانة، بقالي أكتر من ساعة ونص بتفاوض معاهم عشان يصلحوها ووافقت عالتكلفة بس رافضين والشاشة ملهاش أي تلاتين لازمة، وكمان الموظفين في الشركة بيقفلوا الباب بتاعهم عشان محدش يتكلم معايا خالص، والشاشة بتاعتكم متلزمنيش يعني بعد ما تشتري الشاشة بسنة وتدفع فيها 20000 ارميها في الزبالة.

وأستكمل: مدير الصيانة ياجماعة في شركة LG بيقولكم الشركة من بعد سنة من الضمان مش ملزمة تصلح أي حاجة ولا تقدم أي قطع غيار وأنا رميت الشاشة في الأرض دي بتاعتكم تلزمكم متلزمنيش، حسبي الله ونعم الوكيل.

تعليقات مستخدمو مواقع التواصل الاجتماعي

وتفاعل عدد كبير من مستخدمي مواقع التواصل الإجتماعي مع فيديو الإستغاثة، حيث علق صاحب حساب قائلًا:علي فكره حصل معايا بالظبط وكل حاجاتهم بتبوظ أول ما الضمان يخلص

وقال آخر قائلًا: فعلا الشاشات عندهم بعد فترة صغيرة بتحتاج تغيير الليد ومش مره وخلاص كل 3 سنين يحتاج تغيير وعلى مدى الحياة، حسبنا الله ونعم الوكيل وكف به وكيلا.

 وعلق صاحب حساب أخر:حصل معايا روحت بالشاشة لمركز صيانه حطلى قطع غيار مستعمله، وذلك لأن قطع الغيار غير متوفرة وللأسف جبتها من مكان تاني.